Xafiiska diiwaanka Maxkamada

Xafiiska diiwaanka maxkamadu wuxuu maamulaa hawlaha Maxkamada Heerka Koowaad. Wuxuu ku yaal meel ka mid ah maxkamada dhexdeeda, oo badanaa u dhow barxada. Haddii aad weydo xafiiska diiwaanka, waxaad weydiin kartaa qof ka shaqeeya Maxkamada si uu kuugu sheego meeshuu ku yaalo.

Shaqaalaha xafiiska diiwaanku waxay caawin karaan dadka yimaada maxkamada inay fahmaan siyaalaha ugu badan ee shaqada Maxkamada. Waxay ku siin karaan macluumaad intaas ka badan oo ah siday maxkamadu u shaqeyso, inay kaa caawiyaan helida meesha lagu dhageysanayo kiiskaaga, iyo kaa caawimada helitaanka adeegyada taageerada. Xafiiska diiwaanku sidoo kale waa meesha badi dukumiintiga maxkamada lagu saxiixo laguna xareeyo (ama keydiyo), sida dukumiinitga la xiriira damiin ku sii deynta.

Xafiiska diiwaanku kuma siin karo tallo sharci ama kuuma sheegi karaan wixii aad ka sameyn lahayd kiiskaaga maxkamada.