Fa’amatala’upu

A fa’apea e te lē malamalama i le gagana Peretania, e tāua tele ona e logoina le Fa’amasino e lē lelei sau Igilisi ma e te mana’omia se fa’amatala’upu. A fa’apea o lau mata’upu o se soligātulafono poo sauaga i totonu o ‘āiga, o le a fa’atulaga ma totogi e le Fa’amasinoga se fa’amatala’upu mo ‘oe. E lē mafai ona faia lau mata’upu i le aso lava lena. E tatau ona tolopō i seisi aso se’ia faatulaga se fa’amatala’upu.      

A fa’apea o lau mata’upu o se mata’upu sivili (e lē o se sāuaga i totonu ‘āiga), e tatau ona e fa’atulagaina ma e totogia lava e ‘oe se fa’amatala’upu.  

A mafai ona maua sau fa’amatala’upu, e tāua tele ona e silafia, o la latou matāfaioi o le fa’aliliuina o le gagana; e lē o sau fautua i le tulafono. E tāua ona e malamalama, e iai le tiute tau’ave o fa’amatala’upu i le Fa’amasinoga ina ia tūto’atasi (lē fa’aitu’au ma manatu fa’apito i le fa’atinoga o le tiute fa’amatala’upu). E mafai ona auai atu le fa’amatala’upu i le potu fa’amasino po’o luga o le laina telefoni.