Isi Vaega

O Fale Fa’amasino uma e iai faleuila i fogāfale uma. O nisi faleuila e fa’apitoa mo tagata e iai mana’oga tumau. E iai fo’i potu e avanoa mo le fa’aaogāina e tagata lautele, e pei o le tapenaina ai o lau mata’upu. A fa’apea o fa’aaogā e seisi tagata se tasi o ia potu, e lē mafai ona e fa’aaogāina lena potu i lea taimi.   

A iai se fa’afitauli i lau fa’alogo, e ono iai ni masini e fesoasoani atu e te lagonaina ai fa’amatalaga o lo’o faia, e pei o se masini fa’alogo loop. A fa’apea e te mana’omia se masini fa’alogo loop, e tatau ona e logoina le ofisa resitara mo se masini mo ‘oe. E ono mafai fo’i ona e fa’aaogāina se masini fa’alogo fe’avea’i, pe a iai se masini i totonu o le potu fa’amasino. E mafai fo’i ona e fesili i le ‘aufaigaluega mo sea masini.