Loia

A fa’apea e iai sau loia, o ia lena e tautala e avea ma ou sui i le Fa’amasinoga. A fa’apea e leai sau loia, ae e te mana’o i se loia, ta’u i le Fa’amasino lou mana’o. I le tele o mata’upu e aofia ai soligātulafono ma sāuaga i totonu o ‘āiga, e iai se tagata i fafo o le potu fa’amasino e fa’aigoaina o le ‘loia tiute’ o se sui o le fa’alapotopotoga le Legal Aid Queensland. E mafai ona e talanoa iai, ma i nisi o taimi, e mafai ona latou tula’i mo lau mata’upu i le aso lava lea, e fa’alagolago lava i le itu’aiga mata’upu. A lē o lea, e mafai ona latou fa’amalamalamaina atu mea e ono tupu i le Fa’amasinoga i lea aso.      

Peita’i, e mafai ona e tula’i lava ‘oe e te saunoa i lau mata’upu i luma o le Fa’amasinoga. A fa’apea o lau filifiliga lena, e tatau ona e fa’aalia i le Fa’amasino lau faai’uga. A iai se taimi mulimuli ane ua toe suia lau faai’uga, e mafai lava ona e tofia se loia e tau’aveina lau mata’upu i so’o se taimi o fa’agasolo.