Sau i le Fa’amasinoga o se Molimau

A fa’apea o lo’o e auai i le fa’amasinoga maualalo o se molimau, e tatau ona e logoina le tagata na vala’auina ‘oe e te ‘auai i le Fa’amasinoga po’o le ofisa resitara i le taimi e te taunu’u ai i le fale fa’amasino. E lē mafai ona e ulufale i totonu o le potu fa’amasino se’ia vala’au mai e faia lau molimau. E tatau ona e fa’atali mo le tagata na vala’auina ‘oe e te sau i le Fa’amasinoga, ona ia ‘aveina lea o ‘oe i se nofoaga e te fa’atali ai.     

E lē mafai ona e talanoa i le mata’upu o lo’o fa’amasinoina ma nisi molimau o lo’o ono fa’atali ai fo’i.  

A o’o loa i lou taimi, o le a vala’au mai ‘oe e le sui o leoleo po’o se tagata e fa’aigoaina o le ofisa tautua o le fa’amasinoga e fai lau molimau. O le a ia ta’ita’ia ‘oe i le pusa mo molimau, o se vaega o le potu fa’amasino e nonofo ai molimau. O le a fesili mai pe faia sau tautoga po’o se ta’utinoga, o se poloa’iga tāua ua e faia i le moni ma le fa’amaoni o fa’amatalaga uma o le a e faia i totonu o le potu fa’amasino.    

Ia e ta’uina le mea moni i le taimi e faia ai lau molimau. O le faia o se molimau pepelo i le Fa’amasinoga, o se solitulafono.