Ina ua mae’a siaki puipuiga a sikulati

Sa’iliga o le potu e fofogaina ai lau mata’upu: 

O nisi fale fa’amasino e iai laupapa o fa’aaliga e lisi ai mata’upu e tagofia i aso ta’itasi. A fa’apea o sau lava mata’upu o lo’o e auai mai ai, ona sa’ili lea o lou suafa. A fa’apea o se mata’upu a sau kamupani, ona sa’ili lea o le igoa o le kamupani. E tele lava ina fa’atulaga i le alefapeta (A-Z) mai lou fa’ai’u po’o le igoa o lau kamupani. E soso’o ma lou suafa fa’ai’u le numera o le potu fa’amasino e tatau ona e alu iai. E tāua ona ‘aua e te tuai.   

A fa’apea e leai se laupapa o fa’aaliga, pe e lē maua ai lou suafa, fesili i seisi o le ‘aufaigaluega e ta’u atu le potu fa’amasino o lo’o faia ai lau mata’upu.   

Mea e te faia ae le’i fofogaina lau mata’upu: 

A maua loa le potu fa’amasino e faia ai lau mata’upu, e mafai ona e fa’atali i fafo po’o totonu o le potu fa’amasino. E tele mata’upu ‘ese’ese e fofogaina i aso ta’itasi, soligātulafono ma mata’upu sivili. E te ono fa’atali mo se taimi ‘umi fa’ato’a vala’au lau mata’upu.  

O nisi potu fa’amasino e matuā pisi, ma e tāua ai ona e fa’alogo mo lou suafa po’o le igoa o lau kamupani i le taimi e te ulufale ai i le Fa’amasinoga po’o le fale fa’amasino. E ono fa’aaogā se sipika fa’aleotele i totonu o le fale fa’amasino. A fa’apea o e fa’atali i fafo o le potu fa’amasino, ‘aua e te fa’aaogāina ni mea fa’alogo musika ina ia e lagonaina ai lou suafa pe a vala’au mai.   

A fa’apea e te mana’omia se fa’amatala’upu e fesoasoani atu ina ia e malamalama i fa’amatalaga o lo’o faia i lau mata’upu, e mafai ona maua nisi fa’amatalaga i’inei.  

A fa’apea e leai se loia o tula’i mo ‘oe i lau mata’upu, ae e te mana’o i se loia, e maua nisi fa’amatalaga i’inei.